प्रियंका विनायक बोरोले,  रावेर

मा. दादांनी समाजकार्याचे जे एक बीज रोवले आहे ते आज एक वटवृक्ष झाले आहे. अजुन एक अभिमानाची गोष्ट म्हणजे येणारी पीढ़ी सुद्धा आता विद्यार्थ्यांना मदत करण्यास उत्सुक आहे. मी एक मध्यमवर्गीय कुटुंबातील असल्याने ट्रस्ट कडून मिळणारी मदत हे माझ्या जीवनाचा एक भाग बनले आहे. मी आता इंजिनीअर होणार आहे आणि यामध्ये ट्रस्टची मदत देवासारखी माझ्या पाठीशी उभी राहिली आहे. शतशः आभार आणि धन्यवाद.

अजय प्रदीप पाटील, जळगाव.

मी त्रिमूर्ति पॉलिटेक्निक जळगाव येथे मॅकेनिकल डिप्लोमाच्या दुसऱ्या वर्षाला शिकत आहे. माझे वडिल एम्.आय.डी.सी. जळगाव येथे काम करतात. मला एक उत्तम इंजिनीअर व्ह्यायचे आहे आणि देशाच्या आणि जळगाव शहराच्या विकासाला हातभार लावायचा आहे.

यावर्षी मला आपल्या ट्रस्टकडून शिष्यवृत्ति मिळाली. मी या योजनेबद्दल आणि श्री. सुरेशदादांच्या या कार्याबद्दल खुप उत्साहित आहे. कारण यावर्षीपासून सुरु झालेल्या एस.डी.सीड. कार्यक्रमा-अंतर्गत आमच्यासाठी नवनवीन योजना सुरु होणार आहे. त्याचा आम्हाला खुप फायदा होणार आहे.

आदरणीय दादांना नमस्कार व आपणास दीर्घायुष्य लाभो ही प्रभुचरणी प्रार्थना.

धन्यवाद्

दुर्गेश विजयराज चोरडिया, जळगाव

मी जी.एच. रायसोनी, जळगाव येथे मॅकेनिकल इंजिनीअरिंगच्या दुसऱ्या वर्षाला शिकत आहे. या वर्षी मला श्रीमती धापूबाई जैन चॅरीटेबल ट्रस्टकडून पहिल्यांदाच शिष्यवृत्ति मिळाली आहे. मला वाटते की ही योजना आजच्या तरुण पिढीला शिक्षण पूर्ण करण्यास सहाय्य करून एक आदर्श निर्माण करत आहे.

धन्यवाद